Top Ad unit 728 × 90

.
رجيم

ما هو الفرق بين الوجبة الفري وبين الريفيد

🔰 الوجبة الفرى او ال cheat meal أو اليوم الفرى يوم التخبيص زى ما تحبوا تسموها 😃😃😃

🔰 دى وجبة بتتعمل فى الغالب كل اسبوع او 10 ايام بناكل فيها اكل سريع عادى أو اى نوع اكل حتى لو كان ضار ولكن فى حدود وجبة واحدة فقط مش يوم كامل 😉😉


ما هو الفرق بين الوجبة الفري وبين الريفيد
ما هو الفرق بين الوجبة الفري وبين الريفيد


🔰 اما الريفيد أو refeeding مختلف وهو بيكون عن طريق انى بعلى الكارب (الكربوهيدرات) فى نظامى وممكن اعلى معاه البروتين بردوا 

🔰 بفتح رز او عيش او مكرونة مثلا وبزود من البروتين معاهم بردوا لو حابب والاكل بيكون صحى زى ماهو بعكس الوجبة الفرى

🔰 ولو انا ملتزم فى الدايت خلال فترة مثلا 11 يوم ممكن اخد يومين ريفيد او ثلاثة كمان لو حاسب سعراتى كويس

🔰 ولكن بشرط انك ما تعديش سعرات الثبات -- يعنى ممكن تاخد اغلب سعراتك كارب وتخلى الباقى للبروتين وتقلل الدهون خالص

(( لو حعمل ريفيد بعد 6 ايام يبقا يكفى يوم واحد فقط ))

طب انهى الافضل الوجبة الفرى ولا الريفيد ؟ 🐸🐸🐸

🔰 على حسب ملهاش قاعدة لو نفسيتك مدمرة من الدايت ونفسك فى وجبة تفك اسرك اكيد الوجبة الفرى افضل ليك 😂😂

لو انت خلاص جسمك اخد على الاكل الصحى ومبقاش ليك نفس للأكل الضار خلاص يبقا الرفيد ليك افضل

🔰 طب انا ولا عايز وجبة فرى ولا ريفيد ينفع ؟
لا غلط وحقولك ليه فى كذا نقطة الا لو عامل دايت عالى فى الكارب وعجز السعرات قليل ساعتها مش حتبقى محتاج ولا وجبة فرى ولا ريفيد بيكون الموضوع اختيارى
👇👇👇

1 - من عيوب الدايت انه بيقلل الحرق على المدى الطويل فالوجبة الفرى أو الريفيد بيخدع الجسم انه مش ماشى على الدايت فالحرق يرجع يزيد تانى لان الجسم لو فضل على دايت لفترة طويلة الجسم بيأقلم نفسه على السعرات الجديدة ( القليلة ) فبعد فترة من الدايت حتلاقى وزنك ثبت للأسف 😟

2- اثناء الدايت الجسم بيفتقد للعديد من العناصر الغذائية والوجبة الفرى او الريفيد بيعوض الجسم بالعناصر دى تانى 🐣

3 - كسر ملل الرجيم 😁

4- عادة فى اغلب الرجيمات بتكون قليلة النشويات ودا بيخلى عضلاتك همدانة وكانها مسطحة وهنا الوجبة الفرى او الريفيد يساعدوا على ملء مخازن الجلايكوجين فى العضلات تانى والبامب يرجع تانى وفى حالة الدايت المحدود فى الكارب انا انصح بالريفيد لانك ممكن تاخد وجبة فرى كلها دهون وقليلة فى الكارب وبكدة انت حتبقا ما استفتدتش كتير 😉😉

🔰 ملحوظة هامة
وفقا لاخر الابحاث اقصى مدة بدون وجبة فرى او ريفيد بالذات لو الدايت قاسى هى 11 يوم بعد كدة لازم نفصل بوجبة فرى او يومين ريفيد

----------------------------------
للإستفسار عن اسعار المتابعة الخاصة اونلاين يرجى التواصل واتساب فقط 01207188671 - 002
الاعتماد على الدايت والرياضة فقط
#كابتن_فيجو
حاصل على دبلومة التغذية العلاجية بتقدير امتياز
مصدقة من جامعة عين شمس
ما هو الفرق بين الوجبة الفري وبين الريفيد Reviewed by خسس نفسك on 4:26 م Rating: 5

ليست هناك تعليقات:

All Rights Reserved by خسس نفسك © 2014 - 2015
Powered By Blogger, Designed by Sweetheme

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.