رجيم

اهم 10 اخطاء شائعة فى الرجيم والرياضة

الجسم مش بيحرق بالليل :

كلام مش منطقى اصلا لان فى حاجة اسمها RMR وهو اختصار resting metabolic rate اى معدل الحرق اثناء الراحة لذلك الجسم بيحرق اثناء النوم عادى جدا وتوقف الحرق دا معناه توقف العمليات الحيوية فى الجسم ( الموت بعد الشر )
 
اهم 10 اخطاء شائعة فى الرجيم والرياضة
اهم 10 اخطاء شائعة فى الرجيم والرياضة

عدم شرب الماء اثناء التمرين :

ودا غلط جدا لان الجسم بيكون فى امس الحاجة للأكسجين وللماء ودا بيساعد على تهدئة ضربات القلب وكذلك عمل باقى الاجهزة فى افضل صورة ليها

الكارديو اهم حاجة فى التخسيس:

بالعكس اهم حاجة هو عمل فجوة بين السعرات اللى داخلة والسعرات اللى خارجة يعنى الدايت اهم حاجة عن طريق تقليل السعرات

ال low carb افضل ولا high carb :

والله العظيم الاهم انك تاخد سعرات اقل من احتياجك 😂😂

الامتناع عن تناول وجبة بعد التمرين :

دى اهم وجبة اصلا فى اليوم بعد وجبة قبل التمرين ولو ما اكلتش كويس مش هيحصل recovery كويس للعضلات ولو عايز تخس حتخس اه بس حتخسر عضل كتير وبالتالى الحرق حيقل فى الاخر 😉😉

افضل رجيم :

مافيش حاجة اسمها افضل رجيم كل شخص بيختلف عن التانى فى حاجات كتير فى ناس بتحب الخضار والدهون فدا يحنفع معاها كيتو دايت وفى ناس بتعشق الكارب فاكيد حينفع معاها اكتر high carb ( بيت القصيد امشى على اى رجيم بس خد كفايتك من البروتين والعب فى باقى الماكروز براحتك المهم تاخد سعرات اقل من سعراتك )

الرياضة بعد الدايت علشان نشد الجسم :

اكبر كدبة لان تمارين الحديد لازم تكون من بداية الدايت اولا علشان شد الجسم وميبقاش فيه ترهلات حتبكوا عليها طول العمر بالذات لو الوزن كبير + علشان ال shape + زيادة الحرق 💪💪

الصيام بيقلل الحرق :

بالعكس طبعا الصيام بيزود الحرق بس اكتر من 18 ساعة صيام كل يوم دا اكيد ممكن يعمل خسارة للعضل 👎

ناكل خضار فقط فى الدايت ونقطع بروتين :

بالعكس البروتين بيعلى ال thermic effect اوى ودا اصلا بيمثل 10% من معدل الحرق فى الجسم ( الجسم بيستهلك سعرات اكتر فى هضم البروتين عن باقى الماكروز) + ان قطع البروتين والاعتماد على الخضار والسلطة فقط حنخسر عضل مش دهون .

الرياضة بتتمثل فقط فى الجيم :

بالعكس اى حركة حتى لو كانت بسيطة على سبيل المثال : انى اروح اجيب لنفسى كوب ماء بتحرق دهون وفى دراسات كتير اثبتت ان ال low and moderate intensity cardio بتحرق دهون اكتر من ال high .

يعنى الناس الخاملة لو كل نص ساعة يقوموا يتحركوا 5 دقائق حتفرق معاهم جدا فى ال BMR وبالتالى الحرق حيزيد .

#كابتن_فيجو
خبير التغذية العلاجية
اهم 10 اخطاء شائعة فى الرجيم والرياضة Reviewed by خسس نفسك on 1:01 م Rating: 5

ليست هناك تعليقات:

All Rights Reserved by خسس نفسك © 2014 - 2015
Powered By Blogger, Designed by Sweetheme

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.