رجيم

ما هى الالكتروليت ؟ ولماذا يفشل العديد من الناس فى الدايت بسبب نقصها ؟

تشارك الالكتروليت فى العديد من العمليات الحيوية والاساسية داخل جسمك .. زى مثلا نبضات القلب وانقباض العضلات والمحافظة على توزان الماء وتنظيم مستويات الحموضة فى الجسم وليلة كبيرة ساعتك 😂😂


🔰 علشان كدة لازم تحصل على ال rda ( النسب الوصى بها ) من الالكتروليت كويس اوى علشان جسمك يشتغل صح


حنتكلم عن كل دا بالتفصيل تابعوا البوست 👇👇

🔰 ما هى الالكتروليت ؟
الالكتروليت هو مصطلح شامل للجسيمات التى تحمل شحنة كهربائية موجبة او سالبة

فى التغذية بقا بنقصد بيها المعادن الاساسية الموجودة فى الدم والعرق والبول

🔰 لما بتذوب المعادن دى فى السوائل بتشكل شوارد - ايونات موجبة او سالبة بتستخدم فى عمليات التمثيل الغذائى 👁️

🔰 طب تعالوا نتعرف على المعادن دى 👇👇
صوديوم
بوتاسيوم
كلوريد
كالسيوم
المغنيسيوم
فوسفات
البيكربونات

🔰 علشان تحافظ على العمليات الحيوية فى جسمك انها تشتغل بصورة صحيحة لازم تاخد كفايتك من المعادن دى لانها زى ما قولنا ضرورية للحفاظ على وظائف الجهاز العصبى والعضلات والتوزان الداخلى لجسمك بصفة عامة 💪💪

وحنشوف دا فى السطور القادمة 👇👇

🔰 وظيفة الجهاز العصبي
يرسل دماغك إشارات كهربائية عبر الخلايا العصبية للتواصل مع الخلايا في جميع أنحاء جسمك , تسمى هذه الإشارات النبضات العصبية ، ويتم إنشاؤها عن طريق التغييرات في الشحنة الكهربائية لغشاء الخلية العصبية .

التغييرات تحدث بسبب حركة الصوديوم المنحل بالكهرباء عبر غشاء الخلية العصبية

عندما يحدث هذا ، فإنه يطلق رد فعل متسلسل ، لتحريك المزيد من أيونات الصوديوم .. على طول محور عصب الخلية العصبية

🔰 ما فهمناش حاجة صح ههههههههه المهم ان الصوديوم داخل فى وظائف الجهاز العصبى وخلاص 😂😂

🔰 وظيفة العضلات
هناك حاجة للكالسيوم المنحل بالكهرباء لتقلص العضلات , حيث يسمح لألياف العضلات بالانزلاق معا والانتقال إلى بعضها بعضاً حيث تنقبض العضلة وتنبسط.
مطلوب المغنيسيوم أيضا في هذه العملية


علشان كدة الناس اللى بتقلل من الكالسيوم او الماغنسيوم بيحصل عندها شد عضلى وكرمبات وهى بتتمرن 👎👎

🔰 الترطيب
يجب أن تبقى المياه في كميات مناسبة داخل وخارج كل خلية في جسمك
تساعد الإلكتروليت ، خاصة الصوديوم على الحفاظ على توازن السوائل من خلال عملية تسمى التناضح.

🔰 التناضح أو الخاصية الأسموزية أو الحلول أو التنافذ أو الأزموزية أو التنافذ الغشائي أو الأسموزية أو الانتضاح أو الانتشار الغشائي، هي صافي حركة انتقال جزيئات الماء عبر غشاء نصف نافذ من منطقة ذات كثافة مائية مرتفعة إلى منطقة ذات كثافة مائية منخفضة دون الحاجة لاستهلاك طاقة.

♻️ يعنى بالبلدى كدة الصوديوم بيوازن المايه داخل الخلية يعنى متبقاش مليانة مايه او فاضية اوى فيحصل جفاف

🔰 علشان كدة بناكد بقالنا سنين محدش يقطع الملح فى الدايت محدش يقطع الملح فى الدايت 😂😂 وحط تحت الجملة دى مليون خط .. الملح بيتقطع بس لو عندك بطولة وطالع مسرح وبيتقطع تحت شروط معينه علشان ميبقاش فى ضرر

🔰 المفروض حتى ولو عامل دايت ليك 6 جرام ملح فى اليوم ولو انت شخص مريض ضغط عالى ليك 3 جرام وما ينفعش تقطع ملح خالص

🔰 مستويات الحموضة الداخلية
للبقاء في صحة جيدة ، يحتاج جسمك لتنظيم الرقم الهيدروجيني الداخلي
الرقم الهيدروجيني هو مقياس لكيفية وجود الحمضية أو القلوية في جسمك ، يتم تنظيمه بواسطة مخازن كيميائية مما يساعد على تقليل التغييرات في بيئتك الداخلية.
على سبيل المثال ، المفروض الدم يكون فى درجة حموضة من حوالي 7.35 إلى 7.45. إذا انحرف عن هذا ، فإن جسمك لا يمكن أن يعمل بشكل صحيح ، وستشعر بالتعب.

🔰 اللى مسئول عن كدة انك تاخد النسب الصحيحة من الالكتروليت وعلشان كدة فى ناس كتير جدا بتفشل فى الدايت لانها مش بتظبط المعادن دى وبتحس بتعب شديد

🔰 اختلال توزان الالكتروليت يؤثر على صحتك بشكل سلبى
لما تكون نسب الالكتروليت منخفضة جدا او مرتفعة جدا دا بيسبب عدم توزان داخل جسمك وممكن الاختلال دا يكون قاتل فى بعض الحالات النادرة

🔰 النسب دى بتقل لو نظامك الغاذئى غير صحى زى ما ناس كتير للاسف بتعمل وبتقلل من سعراتها اوى او بتقطع نشويات خالص او لو عندك اسهال او فى قئ فا انت بتفقد المعادن دى وبردوا زى ما قولت قبل كدة كتير كثرة شرب الماء بكميات كبيرة اوى مثلا 10 ليتر فى اليوم دا مش صح لانه بينزل الاملاح والمعادن دى فى البول

بردوا بعض الأمراض بما في ذلك أمراض الكلى والإصابات مثل الحروق الشديدة ، يمكن أن تسبب اختلال توازن الالكتروليت

🔰 لو كان اختلال التوازن دا ضعيف مش حتحس بحاجة فى اغلب الحالات لكن لو كان الاختلال اكثر حدة ستشعر بالتالى 👇👇

الإجهاد
سرعة ضربات القلب أو عدم انتظامها
خدر ووخز
الارتباك
ضعف العضلات والتشنج
الصداع
التشنجات

إذا كنت تشك بوجود خلل في إلكتروليت ، تأكد من مناقشة الأعراض مع طبيبك.

🔰 هل تحتاج إلى المزيد من الالكتروليتات إذا كنت تعرق كثيرا؟

عندما تتعرق تفقد الماء والإلكتروليت ، خاصة الصوديوم والكلوريد.
ونتيجة لذلك ، يمكن لفترات طويلة من ممارسة الرياضة أو النشاط ، لا سيما في الحرارة ، أن تسبب فقدان كبير للألكتروليت

تشير التقديرات إلى أن العرق يحتوي على حوالي 40-60 ملي مول من الصوديوم للتر الواحد في المتوسط

لكن الكمية الفعلية للألكتروليت المفقودة من خلال العرق يمكن أن تختلف من شخص لآخر

🔰 علشان كدة لما بننصح بلاش تمرين قاسى فى رمضان قبل الفطار دا مش من فراغ بالذات لو كان الجو حر اوى

🔰 الحد الأقصى الموصى بتناوله للصوديوم هو 2300 ملغ في اليوم الواحد - وهو ما يعادل 6 غرامات أو 1 ملعقة صغيرة من ملح الطعام زى ما قولت قبل كدة
بما أن حوالي 90% من البالغين يستهلكون أكثر من هذا ، فإن معظم الناس لا يحتاجون إلى استبدال الصوديوم المفقود من العرق

🔰 ومع ذلك المفروض من يمارس رياضات التحمل لأكثر من ساعتين أو أولئك الذين يمارسون التمارين في درجات الحرارة العالية المفروض يستهلكوا كمية اكبر قليلا
بالنسبة للآخرين ، فإن الحصول على الكمية الطبيعية من الصوديوم من الأطعمة ومياه الشرب ليظل رطبًا يكفي.

طب عمال ترغى ما تقول المعادن دى موجودة فين 😂😂

🔰 المصادر الغذائية للإلكتروليت
أفضل طريقة للوصول إلى توازن الالكتروليت والمحافظة عليه هي اتباع نظام غذائي صحي.

🔰 المصادر الغذائية الرئيسية للألكتروليت هي الفواكه والخضروات.

🔰 فيما يلي بعض الأطعمة التي توفر إلكتروليت

الصوديوم: الأطعمة المخللة والجبن وملح الطعام.
كلوريد: ملح الطعام.
البوتاسيوم: الفواكه والخضروات مثل الموز والأفوكادو والبطاطس الحلوة.
المغنيسيوم: البذور والمكسرات.
الكالسيوم: منتجات الألبان ، بدائل الألبان المدعمة والخضروات الورقية الخضراء
بعض الالكتروليت مثل البيكربونات تُخلق بشكل طبيعي في جسمك ، لذلك لا داعي للقلق بشأن تضمينها في نظامك الغذائي.

🔰 هل يجب اخذ مكملات لتعويض جسمك بالألكتروليت ؟
فى الحالات العادية انك بس تتبع دايت صحى متوزان مش حتحتاج مكملات لان الجسم لوحدة بيوزان المعادن دى جواه

لكن فى بعض الاحيان لو كان فى قئ شديد او اسهال ممكن تختاج لمكمل ولازم يكون تحت اشراف طبى او صيدلى او حد فاهم اوى

🔰 كمان بعض الانظمة حتحتاج فيها الى بعض المكملات بالذات الانظمة قليلة الكارب زى الكيتو دايت او نظام ال PSMF

لان جزء كبير من الالكتروليت موجود فى الكارب والنشويات

علشان كدة الناس اللى بتقطع كارب خالص او بتقلل منه اوى مش بتقدر تكمل فى الدايت علشان جسمها بينهار حرفيا

🔰 الخلاصة
اتبع نظام غذائى صحى متوزان فيه كمية بروتين مناسبة ليك وكارب نضيف صحى زى مثلا البطاطا والبطاطس والفاكهه والخضار ومتنساش الدهون النافعة علشان تقدر تحصل على كمية الالكتروليت الكافية ليك

----------------------------------
للإستفسار عن اسعار المتابعة الخاصة اونلاين يرجى التواصل واتساب فقط 01207188671 - 002
الاعتماد على الدايت والرياضة فقط
 
حاصل على دبلومة التغذية العلاجية بتقدير امتياز
مصدقة من جامعة عين شمس
ما هى الالكتروليت ؟ ولماذا يفشل العديد من الناس فى الدايت بسبب نقصها ؟ Reviewed by خسس نفسك on 10:01 ص Rating: 5

ليست هناك تعليقات:

All Rights Reserved by خسس نفسك © 2014 - 2015
Powered By Blogger, Designed by Sweetheme

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.