Top Ad unit 728 × 90

رجيم

هل الرز الابيض صحى أم لا وهل يناسب الدايت ؟

ناس كتير ومدارس كتير فى التغذية بتعتبر الرز الابيض خيار غير صحى نظرا لانه معالج ومُكرر وبيفتقر للنخالة وبعض العناصر الغذائية الاخرى فى حين ان الرز البنى ما زال محتفظ بهذه الفيتامينات والمعادن

ومع ذلك فى بعض الحالات بيكون الرز الابيض خيار افضل من الرز البنى ⚠️
تعالوا نتعرف مع بعض هل الرز البنى مناسب ليك صحيا ولا لا 👇👇👇

 هل الرز الابيض صحى أم لا وهل يناسب الدايت
 هل الرز الابيض صحى أم لا وهل يناسب الدايت


المحتوى من الالياف والمغذيات
الرز الابيض والبنى هم الانواع الاكثر شعبية فى اغلب البلدان ولكن الرز البنى هو ببساطة حبوب الرز الكاملة حيث يحتوى على النخالة الغنية بالالياف والفيتامينات والمعادن فى حين يتم تجريد الرز الابيض من النخالة وبعض الفيتامينات والمعادن وبيتم معالجته لتحسين الطعم والمذاق وتحسين خصائص الطهى .

ممكن نقول مجازا ان الرز الابيض يعتبر كارب فارغ لانه بيفقد العديد من المواد الغذائية

بس فى بعض الدول بتضيف ليه الحديد وفيتامين ب وحمض الفوليك ..إلخ

☢️ مثلا لما تاكل 100 جرام رز بنى بيكون اقل شوية فى السعرات من الرز الابيض بس بينى وبينكم مش كتير يعنى فرق صغير جدا تقريبا 12 سعره ... بس الفكرة مش فى السعرات على قد القيمة الغذائية الاعلى فى البنى وكمان الرز البنى فيه ضعف الالياف عن الرز الابيض ودى ميزة قوية اوى

⚠️ بس فى حاجة مهمة اوى على الرغم من كل اللى احنا قولناه بس الرز الابيض المضاف بيحتوى على كميات اكبر من الحديد وحمض الفوليك هههههههههه
طب استنى بس انت اتلغبط 😂😂 انا عارف اتقل على الرز واقرأ الموضوع للاخر 👇👇👇

بس المشكلة ان الرز البنى يحتوى على نسبة اعلى من مضادات الاكسدة والاحماض الامينية الاساسية 😂


بس خلينا نتفق على حاجة واحدة أن كلا من الأرز الأبيض والبني خاليين تمامًا من الغلوتين ودا فى ناس عندها حساسية منه ✌️

طب بالنسبة لمؤشر نسبة السكر فى الدم Glycemic Index Score
ودا طبعا بيؤدى الى زيادة مخاطر مرض السكرى لو كان عالى

مش فاهم اوى طب تعالوا نفهم اكتر 👇👇

♻️ مؤشر (GI) هو مقياس لمدى سرعة جسمك بتحويل الكربوهيدرات إلى سكريات يمكن امتصاصها في مجرى الدم.تتراوح الدرجة من 0 إلى 100 مع التصنيفات التالية:
GI منخفض: 55 أو أقل
متوسط GI: من 56 إلى 69
GI عالي: من 70 إلى 100 

طبعا الاكل كل ما كان منخفض على مؤشر GI كان افضل لمرضى السكر من النوع 2 .. لأنها تسبب ارتفاعًا بطيئًا و تدريجيًا في سكر الدم.

🚫 الأرز الأبيض لديه 64 على مقياس GI في حين أن الأرز البني لديه 55 على ال GI. ونتيجة لذلك ، يتم تحويل الكربوهيدرات في الأرز الأبيض إلى سكر في الدم بسرعة أكبر من تلك الموجودة في الأرز البني 

قد يكون هذا أحد الأسباب وراء ارتباط الأرز الأبيض بخطر الإصابة بالنوع الثاني من داء السكري.

وفي دراسة أجريت على أكثر من 350 ألف شخص ، وجد الباحثون أن الأشخاص الذين تناولوا الأرز الأبيض أكثر عرضة لخطر الإصابة بالنوع الثاني من السكري

☠️ كثرة استخدام الرز الابيض قد يزيد من خطر متلازمة الأيض
متلازمة الأيض هي اسم لمجموعة من عوامل الخطر التي قد تزيد من خطر الاصابة بالظروف الصحية ، مثل أمراض القلب والسكري من النوع 2 والسكتة الدماغية.
عوامل الخطر هذه تشمل:
* ضغط دم مرتفع
* ارتفاع نسبة السكر في الدم صايم
* مستويات عالية من الدهون الثلاثية
* محيط الخصر كبير
* مستويات منخفضة من الكوليسترول HDL "الجيد"

وقد أظهرت الدراسات أن الأشخاص الذين يتناولون بانتظام كميات كبيرة من الأرز الأبيض لديهم مخاطر أعلى من متلازمة الأيض

في حين ، ارتبط استهلاك الأرز البني بانخفاض خطر الإصابة بأمراض القلب.

🛑 نيجى للجزء الاهم وهو علاقتهم بخسارة الوزن

ركزوا معايا بقا فى الكلمتين دول علشان فيهم الخلاصة 😂

♻️ الرز الابيض يعد من الحبوب المكررة زى ما قولت قبل كدة ليه .. فى حين ان الكثير من الدراسات ربطت زيادة الوزن والسمنة بالحبوب المكررة الا انها جت عند الرز الابيض والابحاث كانت مش قوية وغير متناسقة .

♻️ بمعنى ان بعض الدراسات اثبتت ان الحبوب المكررة زى الرز الابيض تؤدى الى السمنة والكرش وبعض الدراسات الاخرى نفت دا

خد التقيلة بقا 😄 بعض الدراسات اثبتت ان الانظمة الغذائية اللى فيها رز ابيض كانت اكثر فاعلية فى خسارة الوزن 💪

وبردوا الرز البنى الدراسات اثبتت انه فعال جدا فى خسارة الوزن وزى ما ذكرت قبل كدة لانه بيحتوى على قمية غذائية عالية

فى بعض الناس عندهم مشاكل هضمية واضرابات فى الامعاء والمحتوى العالى من الالياف قد يكون غير مناسب ليهم .. ساعتها هينصح بالرز الابيض لانه سهل الهضم

يعنى ناكل رز بنى ولا ابيض؟
خد المناسب ليك صعب الاجابة تكون صريحة .. يعنى الرز الابيض مناسب لبعض الحالات زى الحوامل مثلا لان الرز الابيض المضاف محتواه عالى من الفولات .. الناس الكبيرة او اللى عندهم مشاكل فى المعدة الرز الابيض حيكون مناسب ليهم اكتر.

ومع ذلك الرز البنى افضل فى حاجات تانية لانه يحتوي على مجموعة واسعة من الفيتامينات والمعادن والأحماض الأمينية الأساسية فهو مفيد لمرضى السكرى او الناس اللى عندها قابلية لمرض السكرى وكمان مفيد اكتر لصحة القلب وخسارة الوزن

فى النهاية احب اقولكم ان الرز البنى اغلى سعرا وكلنا حناكل رز ابيض بردوا ههههههههه بس حبيت ابين ليكم انه مش وحش اوى وهو مظلوم 😂


#كابتن_فيجو

 الدراسات
  https://www.ncbi.nlm.nih.gov/pubmed/21776212
https://www.ncbi.nlm.nih.gov/pubmed/19782173
https://www.ncbi.nlm.nih.gov/books/NBK208880/

https://nutritiondata.self.com/.../cereal-grains.../5714/2
https://nutritiondata.self.com/.../cereal-grains.../5707/2
https://nutritiondata.self.com/.../cereal-grains.../5815/2
https://www.ncbi.nlm.nih.gov/pubmed/20548009
https://www.ncbi.nlm.nih.gov/pubmed/29467837
https://www.ncbi.nlm.nih.gov/pubmed/25527760
https://www.ncbi.nlm.nih.gov/pubmed/27301975
https://www.ncbi.nlm.nih.gov/pubmed/20003621
https://www.ncbi.nlm.nih.gov/pubmed/22422870
https://www.ncbi.nlm.nih.gov/pubmed/22732459/
https://www.ncbi.nlm.nih.gov/pubmed/23690814
https://www.ncbi.nlm.nih.gov/pubmed/24944054
https://www.ncbi.nlm.nih.gov/pubmed/20420750
https://www.ncbi.nlm.nih.gov/pubmed/11786600
https://www.ncbi.nlm.nih.gov/pubmed/22374558
https://www.ncbi.nlm.nih.gov/pubmed/20881074/
https://www.ncbi.nlm.nih.gov/pubmed/28179223
https://www.ncbi.nlm.nih.gov/pubmed/14594777
https://www.ncbi.nlm.nih.gov/pubmed/26801989


هل الرز الابيض صحى أم لا وهل يناسب الدايت ؟ Reviewed by Mohamed Ahmed on 1:08 م Rating: 5

ليست هناك تعليقات:

All Rights Reserved by خسس نفسك © 2014 - 2015
Powered By Blogger, Designed by Sweetheme

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.